Hello, dosto, lock down ko aaj 6 din ho gye hai, aur hr aadmi apne apne tarike se is time ko gujaarne ki kosis main lga hai. Hm ladies ke liye ye itna muskil nahi jitna hmaare baccho or baki ghar walo ke liye hai. Unhe gharo main rehne ki aadat nahi, isliye hmaari unko le kr fiqr aur jyada ho jati hai.
Kabhi soch main bi nahi aaya jaisa wqt chal raha hai, sare business related person, sare job wale log, sare students, sabhi gharo main hain, Pehle aise din sayad hme Sunday ko dekhne milta the, ya National holidays pr, itni lambi holiday's milengi kabhi socha na tha .
Hr muskil wqt main family ka sath bahut important hota hai, aaj hm sab sath sath hai, apne apne gharo main, apni apni families ke sath, aane wala hr ek din koi sukhad sandesha layegi is soch ke sath ek ek din gujar raha hai.
Ek subah to aayegi jb hm is virus ke dar se ajaad phir se ek normal life ki suruaat krenge, Tb tk hm ladies ki apne ghar apne families ki aur jimmedari pehle se kai guna jyada badh jati hai .
Sabse jaroori kaam jo hm krte hai, wo hai routine meal bnana, aur jb sb ghar pr ho, to phir to bs poochiye mt.
Aaj lock down special mai, main apni ek or bahut easy recipe jo aapke chote-bade baccho or aapke husband's ko bhi pasand aayegi, bahut hi simple or thode se ingredients ke sath bn jati ha ye recipe.
Aaj ki recipe hai ... Cheesy bread coins .
Ye khane main bahut hi tasty or banane main bahut hi aasan hai, chahe to bacche bhi aasani se ise bna sakte hai .
Ise bnane ke liye aapko jo ingredients chaiye honge wo is tarah se hai .
Recipe - Cheesy bread coins ...
Ingredients ..
1. Bread white or brown ... I packet
2. Butter ..
3. White sauce -
4.cheese slice or processed cheese - 4 slices
5.cabbage, onion, carrots (shredded) 1/2 cup
6.salt .. as per taste
7. White or black pepper
Sabse pehle hm white sauce bnaate hai to white sauce bnaane ke liye hme chaiye hoga.
1. Milk -1 cup
2. All purpose flour ( maida) 1. Tsp
3. Butter 1.tsp
Ek pan lijye gas on krk usme butter daliye, gas ko sim pr rakhiye, nahi to butter burn ho jayega, ab flour add kijye aur continuously stir krte rahiye up to 1 -2 min-Dhyaan rahe flour burn na ho, thoda sa colour change ho jaye, phir aap usme milk add kijye or stir krte rahiye, jb white sauce cook ho kr ek sauce jaisi consistency main aa jaye us stage pr aap usme cheese slices add kijye or melt hone dijye, ab gas off krk is sauce main aap bahut thoda sa salt or black pepper dal kr acche se mix kr lijye.
Sauce ko thanda hone ke liye rakha dijye.
Veggies ko shred kr lijye, ya chop bi kr sakte hai, sauce ke thanda hone ke baad veggies sauce main dal kr mix kr lijye.
Ab bread ko cutter se round shape main cut kr lijye, oven ko preheat kijye,ya grill pan ko gas pr heat kr lijye, agar ye dono nahi hai to aap regular tawa ko garam kr lijye.
Bread ke roundels ke ek piece pr white sauce veggies.ka mix evenly spread kijye aur doosre piece se use cover kr dijye like a sandwich, bread slice ke dono taraf butter spread kijye, aur preheated oven main ya tawa pr in bread coins ko dono taraf se golden crispy hone tk bake kr lijye.
Ye super tasty recipe aapki family ko jaroor pasand aayegi.
Lock down main apne baccho ke dilo main bahut sara pyaar lock kr dijye .
Roj kch accha kch naya bna kr unki in holidays ko tension bhara na bna kr yaadgaar bna dijye .
Try this easy recipe and let me know ki aapki family ko pasand aai ki nahi .
Happy cooking ladies ❤
Comments
Post a Comment